O Circo do Sol chegou ao noso C.R.A.

Ollo!  O Circo do Sol xa chegou a Bergondo: movemento, acrobacias, diferentes desprazamentos, dominio corporal, manipulación de obxectos, relaxación,... e moita diversión.

Pasen e vexan:

GUÍSAMO

 1ª Función: aula dos triángulos e dos círculos.

2ª Función( o venres): aula dos cadrados.

Xenial!

CARRIO

Nesta actuación salientamos os números adicados á relaxación,o equilibrio,xiros, desprazamentos imitando a diferentes animais e a coordinación.Uns fenómenos!

LUBRE

Que sería dun circo sen saltos, lanzamentos e malabarismos!

Fantástic@s!

Vixoi, Silvoso e a mencionada aula dos cadrados de Guísamo amosarán os seus fascinantes números artísticos na 2ª función deste venres. Non o perdades! Seguro que vos sorprenderán! 

Visitamos as nosas fragas

Na escola de Carrio tamén fomos buscar castañas para celebrar o magosto nas nosas casas.Hai que ver como dominamos o espazo e como nos movemos con axilidade e cooordinación!

 

A festa dos aros

Na clase de Educación Física pasámolo moi ben. Experimentamos co novo material, xogamos cos aros que percorreron o noso corpo e descubrimos diferentes formas de desprazarnos polo espazo da aula.

Festa dos globos en Carrio

 Aproveitando os globos que trouxo Alejandro á escola, fixemos uns xogos de coordinación psicomotriz e pasámolo fenomenal.

Circuito máxico en Vixoi

Os nen@s de Vixoi descubrimos novos espazos máxicos e salvamos sorprendentes obstáculos que ían aparecendo polo camiño. 

  

Divertímonos nunha granxa

A aula dos triángulos foi de excursión á granxa e movémonos imitando a todos os animais que iamos vendo.Saiunos unha visita moi entretida e con diferentes desprazamentos.

Xogos de coordinación e movemento

Chegaron os raposiños a Guísamo e deixáronnos de agasallo uns fermosos panos cos que pasamos unha entretida clase con xogos de coordinación e movemento.